Анчелотти Бразилия терма жамоаси билан шартномани узайтиради
Бразилия терма жамоаси бош мураббийи Карло Анчелотти миллий жамоа билан янги шартнома имзолаш арафасида. Бу ҳақда euro-football.ru хабар беради.
The Athletic хабарига кўра, италиялик мутахассиснинг Бразилия футбол конфедерацияси билан келишуви деярли тайёр: ҳозирча фақат айрим расмий масалалар қолган.
Бразилия терма жамоаси тарихидаги илк хорижлик мураббий қўл остида жамоа 2026 йилги жаҳон чемпионати саралаш босқичини муваффақиятли якунлади.
Мундиалнинг финал босқичида бразилияликлар Марокаш, Гаити ва Шотландия билан бир гуруҳдан ўрин олди.
Бразилиянинг гуруҳдаги учрашувлари 13, 19 ва 24 июн кунлари бўлиб ўтади. Аввалроқ Анчелоттининг ёзда «Манчестер Юнайтед»ни бошқариши мумкинлиги ҳақида ҳам хабарлар тарқалган эди.