Кунья соч олдирмайдиган мухлисга клуб муносабатини айтди
"Манчестер Юнайтед" ҳужумчиси Матеус Кунья жамоа мухлиси ҳақида гапирди: у клуб кетма-кет беш ўйинда ғалаба қозонмагунча сочини олдирмасликка қарор қилган. Бу ҳақда euro-football.ru хабар беради.
"Қизил иблислар" қарийб 500 кундан бери беш учрашувни узлуксиз ютишга эриша олмаяпти. Шу боис Френк Айлетт исмли мухлис шу вақт давомида сочини ўстириб келмоқда.
Куньянинг айтишича, одамлар кўпроқ мухлиснинг соч турмагига қизиқиб қолган, ўзи эса бу масалага унча аҳамият бермайди. Ҳужумчи учун асосий нарса — 15 очко, соч масаласи эса баъзан тилга олинса-да, жамоани жиддий руҳлантирмайди. Кунья бу воқеа керагидан ортиқ эътибор тортаётганини ҳам таъкидлади.
23 февраль куни Майкл Каррик жамоаси сафардa "Эвертон"га қарши майдонга тушади.