Томори «Милан» ғалаба қилиши шарт эди деб ҳисоблайди
Италия чемпионатининг 25-тури илк учрашувида «Милан» «Пиза»ни катта қийинчилик билан мағлуб этди. Ҳал қилувчи гол учрашувнинг сўнгги дақиқаларида киритилди. Бу ҳақда euro-football.ru хабар беради.
Англиялик ҳимоячи Фикайо Томорининг фикрича, жамоа ўзи учун муаммо яратиб қўйди: биринчи бўлимнинг ўзидаёқ вазиятлардан унумли фойдаланиб, кўпроқ гол уриб қўйиш керак эди.
«Ғалабадан хурсандмиз, лекин ўйинни анча олдин ёпиб қўйса бўларди. Бугун ютишимиз шарт эди — ва ютдик. Чоршанба куни «Комо»га қарши яна бир оғир баҳс кутмоқда, у ерда бундан ҳам қийин бўлади», — дея Томорининг сўзларини келтиради pianetamilan.it.
Ҳозирда «Милан» А Серия турнир жадвалида иккинчи ўринда бормоқда.