«Тоттенҳэм» Тудор тайинловини расман изоҳлади

Игор Тудор «Тоттенҳэм» бош мураббийи этиб тайинланди. Лондон клуби хориватиялик мутахассис билан 2025/2026 йилги мавсум охиригача мўлжалланган шартнома тузилганини эълон қилди. Бу ҳақда euro-football.ru хабар беради.

«Шпорлар» спорт директори Йохан Ланге янги мураббий танлови юзасидан фикр билдириб, Тудор жамоага аниқ тизим, юқори интенсивлик ва босим кучли бўлган вазиятларда натижа олиш тажрибасини олиб киришини таъкидлади.

Клуб мақсади ҳам очиқ: ўйин барқарорлигини тиклаш, таркибдаги сифатдан максимал фойдаланиш ва Англия Премер-лигаси ҳамда Чемпионлар лигасида жиддий кураш олиб бориш.

Айни пайтда «Тоттенҳэм» Премер-лигада 16-ўринда бормоқда ва қуйи лигага тушиб кетиш зонасидан атиги беш очко билан олдинда.