«Ал-Наср» устози Роналдуга дам берди ва таркибни асраяпти

«Ал-Наср» бош мураббийи Жорже Жезуш Криштиану Роналдунинг нега яқинлашиб келаётган ўйинда майдонга тушмаслигини изоҳлаб берди. Бу ҳақда euro-football.ru хабар беради.

Ар-Риёд клуби чоршанба куни ОФК Чемпионлар лигасида «Аркадаг»га қарши баҳс олиб боради. Португалиялик юлдуз ҳужумчининг тез орада жамоага қайтиши кутилаётгани ҳақида гаплар бўлса-да, бу учрашувда у яна қайдномадан жой олмайди.

«Жадвал жуда тиғиз. Шунинг учун Роналдуга ва асосий таркибдаги яна бир нечта футболчига дам беришга қарор қилдик. Олдинда «Ал-Фатеҳ»га қарши муҳим учрашув турибди», — деди Жезуш. Унинг сўзларини Al Nassr Zone келтирди.

Мутахассиснинг таъкидлашича, Роналдунинг дам олиши янгилик эмас: у Саудия Арабистонидан ташқарида ўтказиладиган ўйинларда биринчи марта майдонга тушмаётгани йўқ.

Саудия чемпионатининг «Ал-Фатеҳ» — «Ал-Наср» учрашуви шанба куни, 14 февралда бўлиб ўтади.