«Manchester United» Мейсон Маунт билан хайрлашишни кўриб чиқмоқда

«Manchester United» ярим ҳимоячиси Мейсон Маунтнинг келажаги ҳануз мавҳумлигича қолмоқда. Бу ҳақда euro-football.ru хабар беради.

27 ёшли футболчига Майкл Кэррик тизимида асосий таркибдан жой олиш осон эмас: «ўнлик» позицияси жамоанинг етакчиси ва сардори Бруно Фернандеш томонидан банд қилинган. Англия ОАВ маълумотига кўра, «қизил иблислар» Маунтни тахминан 20 млн фунт (23 млн евро) эвазига сотиш вариантини кўриб чиқиши мумкин.

Transfermarkt портали эса ярим ҳимоячининг нархини 32 млн еврога баҳоламоқда. Собиқ «Chelsea» ўйинчисининг амалдаги шартномаси 2028 йилгача мўлжалланган бўлиб, уни яна бир йилга узайтириш банди ҳам мавжуд.