Икарди уч гол уриб «Галатасарай» рекордини янгилади

Туркия чемпионатининг 22-турида «Галатасарай» «Эйупспор»ни йирик ҳисобда мағлуб этди — 5:1. Учрашувда аргентиналик ҳужумчи Мауро Икарди хет-трик қайд этиб, жамоасига ишончли ғалаба келтирди. Бу ҳақда euro-football.ru хабар беради.

Ушбу уч гол Икардига «Галатасарай» тарихидаги энг сермаҳсул легионер мақомини ҳам олиб келди. У румин Георге Ҳаджини ортда қолдирди: Ҳаджининг клубдаги голлари 75 та бўлган бўлса, Икардининг ҳисобида энди 76 та гол бор.

Клубнинг умумий тўпурарлари рўйхатида эса Икарди ҳозирча еттинчи поғонада қайд этилмоқда. 2023 йилдан буён «Галатасарай» сафида ўйнаётган ҳужумчи аввалроқ ПСЖ таркибида ҳам тўп сурган.