Винисиус пенальтидаги услуби учун Жоржинога ишора қилди
Испания Ла Лигаси доирасида "Реал" ўз майдонида "Реал Соседад"ни 4:1 ҳисобида мағлуб этди. Учрашувда Винисиус Жуниор дубл қайд этиб, иккала голини ҳам пенальтидан урди. Бу ҳақда euro-football.ru хабар беради.
11 метрли жарима зарбалари олдидан бразилиялик ҳужумчи одатда Жоржинога хос бўлган сакраб-туриб зарба бериш услубидан фойдаланди. Бу эпизодлар учрашувнинг энг кўп муҳокама қилинган лаҳзаларидан бирига айланди.
Ўйиндан кейинги куни Винисиус ижтимоий тармоқларда пенальтидаги зарбаси акс этган суратни жойлаб, постда Жоржинонинг саҳифасини белгилади. "Реал" юлдузи изоҳ қолдирмади, бироқ постга кулгидан йиғлаш ва ўйланган ифода эмодзиларини қўшди.
"Реал" навбатдаги учрашувини 17-февраль куни сафарда "Бенфика"га қарши Чемпионлар лигаси доирасида ўтказади.