Элагин Роналду бойкотдан сўнг майдонга қайтди ва гол урди
Саудия Арабистони чемпионатининг 22-турида сафарда ўтган учрашувда «Ал-Наср» «Ал-Фатеҳ»ни 2:0 ҳисобида мағлуб этди. Беллашувдаги голлардан бирини 41 ёшли ҳужумчи Криштиану Роналду урди — у майдонга бойкотдан кейин қайтди. Бу ҳақда euro-football.ru хабар беради.
Учрашувдан сўнг футбол шарҳловчиси Александр Элагин португалиялик юлдузнинг ўйинини алоҳида эътироф этди.
«Буюк футболчи бойкотдан кейин қайтди ва гол урди! Шунчаки гол уриб қўймади, ҳимояда ҳам фаол ишлади, бир неча бор дарвозабон майдончасидан тўпни чиқариб юборди. Гўё ўсмирдек югуради! Ҳам қойил қоламан, ҳам ҳавас қиламан», — деб ёзди Элагин ижтимоий тармоқларда.
Жорий мавсум Саудия Арабистони чемпионатида Роналду 19 ўйинда 18 та гол муаллифига айланган.