Григорян «Наполи» ва «Рома» ўйинидаги дурангни адолатли деб баҳолади

Мураббий Александр Григорян А Сериянинг 25-турида бўлиб ўтган «Наполи» — «Рома» учрашувидаги дуранг натижа ўйин кечган манзарага мос келишини таъкидлади. Бу ҳақда euro-football.ru хабар беради.

Беллашув 2:2 ҳисобида якунланди. Неаполликлар икки бор ҳисобда ортда қолганига қарамай, мағлубиятдан қутулиб қолди.

«Ҳар иккала жамоа ҳам бир очкони ҳаққоний олди. “Рома” барча турдаги яккама-якка курашларда жуда кучли кўринди. Шу билан бирга, неаполликлар таркибида феноменал футболчилар бор», — дея Григоряннинг сўзларини «Матч ТВ» келтирди.

«Наполи» сафида Леонардо Спинатссола ва Алисон Сантос гол урди. Меҳмонлар эса Дониелл Маленнинг дублига таянди.

Турнир жадвалида «Наполи» 50 очко билан кучли учликни якунлаб турибди. «Рома» 3 очко ортда қолган ҳолда 4-ўринда бормоқда.