Моуринью «Реал» мухлислари мени ҳануз қадрлашини айтди
«Бенфика» бош мураббийи Жозе Моуринью «Реал»даги фаолияти ҳақида фикр билдирди. Бу ҳақда euro-football.ru хабар беради.
Мутахассиснинг айтишича, Мадрид клубида ишлаган даврида ҳам ютуқлар, ҳам муваффақиятсиз лаҳзалар бўлган, бироқ у доимо бор кучини бериб ишлаган. Моуринью шу сабаб «Реал» мухлислари ҳануз уни ҳурмат қилиши ва қадрлашини таъкидлади, дея келтиради The Touchline.
Моуринью «Реал»ни 2010–2013 йилларда бошқарган. Ушбу даврда «қироллик клуби» Испания чемпионати, Испания кубоги ва Испания суперкубогини қўлга киритган.
17-феврал, сешанба куни «Бенфика» ва «Реал» Чемпионлар лигасида ўзаро баҳс олиб боради. Аввалроқ Моуринью «Реал»га Чемпионлар лигасидан чиқиб кетишини, бироқ Испания чемпионлигини ют иб олишни тилаган эди.