АПЛда энг юқори сейв фоизи «Астон Вилла»да қайд этилди
Бирмингемнинг «Астон Вилла» клуби посбони Эмилиано Мартинес Англия Премьер-лигасининг жорий мавсумида сейвлар фоизи бўйича энг яхши дарвозабон сифатида ажралиб турибди. Football Insider хабарига кўра, жаҳон чемпиони бўлган Мартинес ҳозирча лига дарвозабонлари орасида энг юқори кўрсаткич — 77% сейв фоизини қайд этмоқда. Бу ҳақда euro-football.ru хабар беради.
Мартинес бу мавсумда клуб сафида жами 28 та расмий учрашувда майдонга тушди, шундан 22 таси Премьер-лига доирасида. Айнан АПЛдаги ушбу 22 ўйинда у атиги 19 та гол ўтказиб юборган.
«Астон Вилла» эса турнир жадвалида етакчилар сафида қолмоқда: бирмингемликлар 50 очко билан АПЛда соф учинчи ўринни эгаллаб турибди.