Марсел мухлислари Страсбург ўйинида президент ложасига ёриб кирмоқчи бўлди
Французнинг «Марсел» клубида вазият кескинлашиб кетди: «ПСЖ»дан 0:5 ҳисобида қабул қилинган мағлубият раҳбарият учун жуда оғир зарба бўлди ва жамоа бош мураббийи Роберто де Дзерби билан ҳамкорлик якунланди. Бу ҳақда euro-football.ru хабар беради.
Орадан кўп ўтмай клубнинг спорт директори Меҳди Бенатия ҳам истеъфога чиқди. Бироқ бу қарорлар мухлислар орасидаги тарангликни босмади — «Страсбург»га қарши учрашувда трибуналар «Марсел» президенти Венсан Лабрундан кетишини талаб қилган қўшиқлар билан жаранглади.
Энг кескин кайфиятдаги бир гуруҳ мухлислар Лабруннинг VIP-ложасига киришга уринди, аммо полиция тезкор ҳаракат қилиб, секторни ўраб олиб, можаронинг кенгайишига йўл қўймади. Бу ҳақда La Provence нашри хабар берди.