Елагин Роналдунинг бойкотдан кейин майдонга қайтишини олқишлади

Саудия Арабистони чемпионатининг 22-тури доирасида сафарда ўтган баҳсда «Ал-Наср» «Ал-Фатех» устидан 2:0 ҳисобида ғалаба қозонди. Учрашувдаги голлардан бирини 41 ёшли ҳужумчи Криштиану Роналду киритди — у бойкотдан сўнг яна майдонга қайтди. Бу ҳақда euro-football.ru хабар беради.

Ўйиндан кейин футбол шарҳловчиси Александр Елагин португалиялик юлдузнинг ҳаракатларини алоҳида таъкидлади.

Елагин ижтимоий тармоқларда Роналду нафақат гол ургани, балки ҳимояда ҳам фаол ишлагани, жарима майдони ичида бир неча бор тўпни узоқлаштирганини ёзиб, унинг шижоатига қойил қолганини билдирди.

Жорий мавсумда Роналду Саудия Арабистони чемпионатида 19 та ўйинда 18 та гол уриб, юқори натижа қайд этмоқда.