Калулю ҳакам хатосига қарамай бир ўйинга четлатилди
Италия А Серияси расмий сайти ўтган тур якунларига кўра интизомий қарорларни эълон қилди. Дисквалификация олган футболчилар рўйхатидан «Ювентус» ҳимоячиси Пьер Калулю ҳам жой олди — франсуз футболчи бир учрашувга четлатилди. Бу ҳақда euro-football.ru хабар беради.
Калулюнинг майдондан четлатилиши баҳсли ҳолат бўлгани айтилмоқда: ҳакамлар корпуси раҳбари Жанлука Рокки футболчига иккинчи сариқ карточка нотўғри кўрсатилгани учун узр сўраган. Бироқ қоидага кўра, қизил карточка қайд этилгани сабаб дисквалификация кучда қолди.
Шу тариқа Пьер Калулю А Серияда «Комо»га қарши ўйинда «Ювентус»га ёрдам бера олмайди. Учрашув 21 февраль, шанба куни бўлиб ўтади.