Бавария Кейн шартномасидаги муҳим бандни очиқлади
Мюнхеннинг «Бавария» клуби раҳбарияти аъзоси Ули Хёнесс Гарри Кейннинг келажаги ҳақида гапирар экан, унинг шартномасида муҳим бир жиҳатни маълум қилди. Хёнесснинг айтишича, инглиз ҳужумчисини келаси ёзда сотиб олиш опциясини фаоллаштириш муддати аллақачон якунланган. Бу ҳақда euro-football.ru хабар беради.
«Аниқлик киритмоқчиман. Гарри биз учун катта омад. 2026 йил ёзига белгиланган товон пули банди энди кучда эмас, шартнома эса 2027 йил ёзигача мўлжалланган. Шунинг учун ҳозир биз босим остида эмасмиз», — деди Хёнесс Bild нашрига.
2025/2026 йилги мавсумда Кейн 35 учрашувда майдонга тушиб, 41 та гол урди ва 5 та голли узатмани амалга оширди.
«Бавария»нинг навбатдаги ўйини 21 февраль куни ўз майдонида «Айнтрахт»га қарши бўлиб ўтади.