«Реал» мудофаа маркази учун асосий трансфер нишонни танлади
Мадриднинг «Реал» клуби ёзги қайта қуриш жараёнида ҳимоя чизиғини кучайтиришни энг муҳим вазифалардан бири сифатида кўрмоқда. Diario Sport хабарига кўра, марказий ҳимоячи позицияси учун «қаймоқранглилар»нинг устувор номзоди «Ливерпул» футболчиси Ибраима Конате бўлди. Бу ҳақда euro-football.ru хабар беради.
Манбада таъкидланишича, француз футболчи «қизиллар» билан шартномани узайтирмаса, июн охирида келишуви якунланади ва эркин агент мақомида бозорга чиқиши мумкин. Ўтган йили ҳам «Реал» Конате учун асосий даъвогарлар қаторидан тилга олинганди, бироқ кейинроқ бу қизиқиш сусайган.
Сўнгги ҳафталарда эса 26 ёшли ҳимоячининг Мадридга кўчиб ўтиши ҳақидаги гап-сўзлар яна кучайди. Transfermarkt Конатенинг бозор қийматини 50 млн еврога баҳоламоқда.