Венсан Компани Гвардиоладан олган энг муҳим сабоғини айтди

"Бавария" бош мураббийи Венсан Компани Хосеп Гвардиола билан ишлаган давридан қандай хулосалар чиқарганини маълум қилди. Белгиялик мутахассис футболчилик фаолиятида "Манчестер Сити" сафида испаниялик мураббий қўл остида тўп сурган. Бу ҳақда euro-football.ru хабар беради.

Компани таъкидлашича, Гвардиоладан ўрганган асосий нарса тактика эмас, балки менталитет: доим ғалабани кўзлаш, ҳар бир учрашувни бирдек муҳим деб қабул қилиш ва кучли рақиб билан ўйин ҳам, қуйи дивизион вакилига қарши баҳс ҳам бир хил масъулият талаб қилишини унутмаслик. Унинг фикрича, шундай ёндашув жамоага суръатни ҳеч қачон пасайтирмасликка ёрдам беради.

Маълумот учун, Венсан Компани "Манчестер Сити"да 2008–2019 йилларда ўйнаган. Хосеп Гвардиола эса клубни 2016 йилдан буён бошқариб келмоқда. Компани "Бавария"даги ишини 2024 йил ёзида бошлаган.