Роналдунинг «Ал-Наср» мураббийига муҳим илтимоси бор
«Ал-Наср» ҳужумчиси Криштиану Роналду фақат энг муҳим учрашувларда майдонга тушишга тайёр. Бу ҳақда euro-football.ru хабар беради.
365Scores Arabic хабарига кўра, 41 ёшли португалиялик футболчи жамоа бош мураббийи Жорже Жезушдан ОФК Чемпионлар лигасининг ҳал қилувчи босқичлари бошлангунча уни имкони қадар камроқ ўйинларда қўллашни сўраган. Роналду ортиқча юкламадан қочиб, асосий беллашувларга максимал тайёргарлик кўришни ва жаҳон чемпионатига оптимал спорт формасида етиб боришни истамоқда.
Жорий мавсумда Роналду «Ал-Наср» сафида 23 та ўйинда 19 гол урди. У Саудия Арабистони чемпионати тўпурарлар рўйхатида Айвен Тонидан кейин иккинчи ўринда бормоқда.