Алексей Никитин «Милан» ҳозирча парадокс жамоа эканини айтди

Аввалроқ «Уфа», «Ротор» ва яна бир қатор клубларда тўп сурган ҳимоячи Алексей Никитин «Милан»нинг сўнгги натижалари ҳақида фикр билдирди. Жамоа 18-февраль куни «Комо» билан 1:1 ҳисобида дуранг ўйнаган бўлса-да, турнир жадвалининг юқори қисмида қолишда давом этмоқда. Бу ҳақда euro-football.ru хабар беради.

Никитиннинг таъкидлашича, ҳозирги «Милан» ўйин кўриниши жиҳатидан ғалаба ва очколарни мунтазам олаётганига қарамай, рақиблардан кескин устун кўринмайди. У «Интер»ни мисол қилиб келтириб, «Милан» кўпинча майдонда ҳукмронлик қилмаслигини, голлар эса уларга анча қийинчилик билан келаётганини қайд этди.

Айни пайтда «Милан» А Серия турнир жадвалида иккинчи ўринни эгаллаб турибди. Массимилиано Аллегри бошчилигидаги жамоа 25 ўйиндан кейин 54 очко жамғарган.