Саудия футболида фожиа, 16 ёшли футболчи вафот этди
Саудия футболидан қайғули хабар келди: “Ал-Қодисия” жамоаси сафида тўп суриб келган 16 ёшли ҳимоячи Турки Ал-Саед вафот этди. Бу ҳақда Саудия футбол федерацияси расмий некролог эълон қилиб маълум қилди. Клуб мамлакатнинг иккинчи даражали лигасида иштирок этади ва айни пайтда турнир жадвалида тўртинчи ўринда бормоқда. Бу ҳақда euro-football.ru хабар беради.
“Ал-Қодисия” таркибида италиялик Матео Ретеги ҳам бор, у аввалроқ “Аталанта” шарафини ҳимоя қилган. Ёш футболчининг ўлими сабаблари ҳозирча расман очиқланмади, бироқ норасмий манбаларга кўра, воқеа йўл-транспорт ҳодисаси оқибатида содир бўлган.