Роналду мураббийдан уни камроқ ўйинга туширишни сўради
«Ал-Наср» ҳужумчиси Криштиану Роналду жамоада асосан энг муҳим учрашувларда майдонга тушишга тайёр. Бу ҳақда euro-football.ru хабар беради.
365Scores Arabic хабарига кўра, 41 ёшли португалиялик футболчи бош мураббий Жорже Жезушдан ОФК Чемпионлар лигаси ўйинларида ҳал қилувчи босқичлар бошлангунига қадар уни имкон қадар камроқ ишлатишни сўраган. Роналду ортиқча юкламадан қочиб, муҳим баҳсларга максимал тайёр ҳолатда кириш ва оптимал спорт формасини сақлаб қолишни истамоқда.
Жорий мавсумда Роналду «Ал-Наср» сафида 23 та ўйинда 19 бор рақиб дарвозасини ишғол қилди. У Саудия Арабистони чемпионати тўпурарлари рўйхатида Айвен Тонидан кейин иккинчи ўринда бормоқда.