Сантуш Роналду 2026 йилги ЖЧда ўйнаши мумкинлигини айтди
Португалия терма жамоасининг собиқ бош мураббийи Фернанду Сантуш Криштиану Роналдунинг жамоа учун аҳамияти ва унинг келажакдаги роли ҳақида фикр билдирди. Бу ҳақда euro-football.ru хабар беради.
Яқинда «Ал-Наср» ҳужумчиси 41 ёшни қарши олди. ОАВда эса Роналду ҳозирги спорт ҳолатида ҳам миллий жамоага қанчалик зарурлиги борасидаги баҳслар тинмайапти.
“Роналдунинг 2026 йилги жаҳон чемпионатида асосий таркибда бўлиши керакми? Ҳар бир мураббийда ўз тактика ва қарашлари бўлади. Агар Криштиану яхши формада, энг юқори тайёргарликда бўлса, у аниқ танловга айланади — унинг профессионаллигига ҳануз шубҳа йўқ. У мен билан ҳеч қачон фаолиятини якунлаш ҳақида гаплашмаган. Қарорни у ўзи қабул қилади, лекин мен унинг кетишигача ҳали анча бор, деб умид қиламан”, — дея Сантушнинг сўзларини Al Nassr Zone келтирди.
Қайд этилишича, Роналду 2026 йилги ЖЧ саралаш босқичида ҳозирча бешта гол уришга улгурди.