«Арсенал» вингери Мадуэке ўзи ҳақидаги гапларга изоҳ берди
Лондоннинг «Арсенал» клуби вингери Нони Мадуэке жамоатчилик унинг феъл-атворини кўпинча нотўғри баҳолашини айтди. Бу ҳақда euro-football.ru хабар беради.
23 ёшли футболчининг сўзларига кўра, айрим мухлислар уни манман, ўзига ортиқча ишонадиган ёки етарлича меҳнат қилмайдиган футболчи сифатида кўришади. Мадуэке эса бунинг аксини таъкидлаб, доимий равишда ўз устида ишлашга интилишини ва ишига жиддий ёндашишини билдирди.
Жорий мавсумда Мадуэке 26 учрашувда 6 гол урди ва 3 бор голли узатмани амалга оширди. Ўтган йил июлида «Арсенал» уни «Челси»дан 56 млн евро га сотиб олганди.