Де Шильё трансфери бекор бўлгани юзасидан изоҳ берди
Италия терма жамоасининг собиқ ҳимоячиси Маттиа Де Шильё Чехиянинг «Градец-Кралове» клубига кўчиши нега амалга ошмаганига ойдинлик киритди. Футболчи бу ҳақда ижтимоий тармоқлардаги саҳифасида баёнот билан чиқди. Бу ҳақда euro-football.ru хабар беради.
Де Шильё клубнинг бундай қарори унинг учун кутилмаган бўлганини таъкидлади ва вазиятни тиббий кўрик натижалари билан боғлаш ҳақидаги гапларни қатъиян рад этди.
«Мен барча зарур тиббий текширувлар ва қўшимча назоратлардан ўтдим, ҳаммаси муваффақиятли якунланди. Чехияда уч кун бўлдим, жамоа билан икки марта тўлиқ машғулот ўтказдим ва ҳеч қандай чекловсиз ишладим», — деб ёзди у.
33 ёшли футболчининг сўнгги жамоаси «Эмполи» бўлиб, у ерда ижара асосида тўп сурган. Де Шильёнинг ҳуқуқлари 2025 йилгача «Ювентус»га тегишли бўлган.