Биляллетдинов Роналдунинг юқори даражага интилишини эътироф этди
Таниқли мураббий Ринат Биляллетдинов Саудия Арабистонининг «Ал-Наср» клубида тўп сураётган ҳужумчи Криштиану Роналдунинг ҳозирги ўйинлари ҳақида фикр билдирди. Бу ҳақда euro-football.ru хабар беради.
Мутахассисга кўра, Роналду — натижаларини деярли такрорлаб бўлмайдиган ноёб футболчи. Биляллетдинов футболчи ёшига қарамай, бешинчи ўнликда ҳам энг юқори савияда ўйнашга интилаётганини алоҳида таъкидлади.
Жорий мавсумда 41 ёшли португалиялик барча мусобақаларда 23 учрашувда майдонга тушиб, 19 та гол урди ва 3 та голли узатма амалга оширди.
Маҳаллий чемпионатнинг 21-туридан сўнг «Ал-Наср» турнир жадвалида 52 очко билан учинчи ўринда бормоқда.