Слуцкийнинг «Шанхайи» Осиё ЧЛда «Бурирам»га ютқазди
«Шанхай Шеншуа» Осиё Чемпионлар лигасининг еттинчи туридан кейин плей-оффга чиқиш имкониятини бой берди. Саккизинчи турда «Бурирам Юнайтед»га қарши баҳс Леонид Слуцкий жамоаси учун турнир билан хайрлашиш олдидан сўнгги уриниш эди, бироқ бу сафар ҳам «эшикни қарс» ёпиб кетишнинг иложи бўлмади. Бу ҳақда euro-football.ru хабар беради.
Учрашувда Таиланд клуби 2:0 ҳисобида ғалаба қозонди. «Бурирам Юнайтед» биринчи бўлимнинг дастлабки қисмидаёқ иккита гол уриб, ўйинни ўз изига солиб олди. Тез орада «Шанхай Шеншуа» футболчисининг майдондон четлатилиши интрига қолишига деярли йўл қўймади.
Маълумот учун, Леонид Слуцкийнинг «Шанхай Шеншуа» билан амалдаги шартномаси 2027 йил охиригача мўлжалланган.