«Реал» афсонаси Салгадонинг ўғли БАА терма жамоасини танлади
Мадриднинг «Реал» клуби афсонаси Мичел Салгадонинг ўғли Алан Салгадо халқаро майдонда Бирлашган Араб Амирликлари терма жамоаси шарафини ҳимоя қилишга қарор қилди. Ёш футболчи аллақачон БААнинг ёшлар жамоаси сафида илк ўйинини ўтказди. Бу ҳақда euro-football.ru хабар беради.
Алан U19 (17 ёшгачa) таркибида дебют қилганидан сўнг, отаси ижтимоий тармоқлар орқали уни самимий табриклади. Мичел Салгадо ўғлига бу даражага чиқиш қийинлигини, ундан ҳам мураккаби шу савияда узоқ қолиш эканини эслатиб, курашиш билан бирга камтар бўлишни маслаҳат берди.
Эслатиб ўтамиз, Салгадо-катта 1999–2009 йилларда «Реал»да тўп сурган ва клубнинг «Галактикос» даврида ҳам асосий футболчилардан бири бўлган.