Блаттер Трампни ФИФА учун энг салбий омил деб атади

ФИФА собиқ президенти Йозеф Блаттер АҚШнинг амалдаги раҳбари Доналд Трамп ҳақида кескин фикр билдирди. Бу ҳақда euro-football.ru хабар беради.

Radio Canada'га берган интервьюсида швейсариялик функционер жаҳон чемпионати АҚШда ўтказилмаслиги кераклигини таъкидлади.

Блаттернинг айтишича, Трамп ФИФА тарихида учраган энг ёмон ҳодисалардан бири бўлган, 2026 йилги мундиал атрофидаги жараёнлар эса асосан молиявий манфаатлар билан боғлиқ. У Мексика ва Канада бу ҳамкорликдан фақат “майда улуш” олишини қўшимча қилди.

2026 йилги футбол бўйича жаҳон чемпионати ёзда Шимолий Америкада бўлиб ўтади. Ҳозирги амалдаги чемпион — Аргентина терма жамоаси: 2022 йилги мундиал финалида “албиселесте” Франция устидан ғалаба қозонган эди.