«Бока Хуниорс» клубида янги спорт директори тайинланди
Аргентинанинг «Бока Хуниорс» клуби спорт директори лавозимига Марсело Делгадони тайинлаганини расман эълон қилди. У клуб президенти Хуан Рикелме билан яқин ҳамкорликда ишлайди, Рикелме аввалроқ «Барселона» сафида ҳам тўп сурган. Бу ҳақда euro-football.ru хабар беради.
Клуб ҳозирда таркибни тез фурсатда кучайтиришга муҳтож ва раҳбарият ички-ичидан айнан шу йўналишда фаол ҳаракат қилишни мақсад қилган. Делгадонинг тайинланиши ҳам трансферлар ва жамоа қурилиши бўйича ишларни жадаллаштиришга хизмат қилиши кутилмоқда.
Марсело Делгадо футболчилик фаолиятида ҳам катта тажриба тўплаган: у 1995–2002 йилларда Аргентина терма жамоасида 18 ўйин ўтказган, 1998 йилги Жаҳон чемпионатида ҳам майдонга тушган. 2003 йилда эса у Либертадорес кубогида «Сантос» ҳужумчиси Рикардо Оливейра билан бирга турнирнинг энг яхши тўпурари бўлган.