Леннарт Карл «Бавария»даги ёрқин старти мени ҳайратлантирмади, деди
Мюнхеннинг «Бавария» клубида тўп сураётган 18 ёшли футболчи Леннарт Карл фаолиятининг илк босқичида шунчалик тез кўзга ташлангани уни унча ажаблантирмаганини айтди. Бу ҳақда euro-football.ru хабар беради.
Ҳужумкор ярим ҳимоячи жорий мавсумда Бундеслига гиганти сафида мунтазам равишда майдонга тушиб келмоқда. 22 февраль куни у 18 ёшни қарши олди.
«Баъзан атрофимда бўлаётган воқеаларга ўзим ҳам ҳайрон бўлиб қарадим, аммо ич-ичимдан буни уддалай олишимни билардим. Кўп меҳнат қилдим. Жуда хурсандман, лекин, албатта, ўсиш учун жой доим бор. Умид қиламанки, кейинги ўйинларда кўпроқ гол ураман ва голли узатмалар бераман, қолган жиҳатларда ҳам янада кучаяман», — дея Карлнинг Kicker нашрига берган интервюсидан «Gazeta.Ru» иқтибос келтирди.
«Бавария» 28 февраль, шанба куни Бундеслигада сафарда асосий таъқибчи — Дортмунднинг «Боруссия» жамоасига қарши баҳс ўтказади.