«Ювентус» Уэстон Маккенни билан янги шартнома тузмоқда
Туриннинг «Ювентус» клуби ярим ҳимоядаги етакчиларидан бири Уэстон Маккенни билан келишувни якунлаш арафасида. Бу ҳақда инсайдер Фабритсио Романо ижтимоий тармоқлар орқали хабар берди. Бу ҳақда euro-football.ru хабар беради.
Манбага кўра, томонлар музокаралар ўтказиб, битимнинг барча бандларини келишиб олган. Расмий эълон яқин вақт ичида берилиши кутилмоқда.
Маккеннининг «қари синьора» билан амалдаги шартномаси келаётган ёзда якунига етади. Футболчининг трансфер қиймати 22 миллион еврога баҳоланмоқда.
Жорий мавсумда Уэстон «Ювентус» сафида 36 та учрашувда майдонга тушди. Ярим ҳимоячи 7 та гол ва 7 та ассист билан ажралиб турди.