Сёмин Сафонов ПСЖ асосига меҳнати билан кирди
Таниқли россиялик мураббий Юрий Сёмин ПСЖ дарвозабони Матвей Сафонов ҳақида фикр билдирди. У жорий мавсумнинг сўнгги ўйинларида француз клубининг асосий таркибида тобора тез-тез майдонга тушмоқда. Бу ҳақда euro-football.ru хабар беради.
Сёминнинг айтишича, Сафонов ПСЖдаги ўрнини энг аввало меҳнатсеварлиги билан қўлга киритган. Мураббий дарвозабон учун руҳий барқарорлик ҳал қилувчи омил эканини таъкидлаб, Сафоновда ўз кучига бўлган ички ишонч борлигини қайд этди.
Жорий мавсумда Сафонов ПСЖ билан FIFA Қитъалараро кубогини ютишга ҳам ҳисса қўшди. Финалдан кейинги пенальтилар сериясида бразилиялик «Фламенго»га қарши 4 та зарбани қайтарган.