Фарғонада боғча боласини ток ургани ҳолати бўйича жиноят иши очилди

Аввал хабар қилинганидек, Фарғона шаҳридаги мактабгача таълим муассасасида болани юқори кучланишли электр токи уриши ҳолати қайд этилган эди. Мазкур воқеа ортидан жиноят иши қўзғатилди. Бу ҳақда Бош прокуратура матбуот котиби Ҳаёт Шамсутдинов маълум қилди.

Маълум қилинишича, ҳолат юзасидан Жиноят кодексининг 116-моддаси — касб вазифаларини лозим даражада бажармаслик — билан жиноят иши очилган. Айни пайтда тергов ҳаракатлари амалга оширилмоқда.