Мартинес Роналду энди олдингидек футболчи эмаслигини айтди
Португалия терма жамоаси бош мураббийи Роберто Мартинес ҳужумчи Криштиану Роналду ҳақида фикр билдирди. Бу ҳақда euro-football.ru хабар беради.
Мутахассиснинг таъкидлашича, у терма жамоага келганидан бери Роналду ўзини намуна даражасида тутиб келмоқда: жамоа сардори сифатида ҳамманинг олдида ўрнак бўлаяпти. Мартинес футбол томони ҳақида гапирар экан, Роналду энди «Манчестер Юнайтед»даги илк давридагидек қанотда югурадиган футболчи эмаслигини қайд этди. Мураббий унинг роли бошқача эканини, у қатъий позицион интизом талаб қиладиган классик «тўққизлик» эмас, балки ҳужумларни якунловчи асосий ижрочи эканини урғулади.
Португалия терма жамоаси яқин ёзда жаҳон чемпионатида иштирок этади. Турнир АҚШ, Канада ва Мексикада бўлиб ўтади.