Мостовой Сафонов ҳақида хулоса қилиш қийинлигини айтди
Россиялик собиқ футболчи Александр Мостовой ПСЖ дарвозабони Матвей Сафоновнинг Париждаги фаолияти борасида фикр билдирди. Унинг таъкидлашича, Сафонов берилаётган имкониятдан фойдаланишга ҳаракат қилмоқда. Бу ҳақда euro-football.ru хабар беради.
Шу билан бирга, Мостовой дарвозабон ўйинига аниқ баҳо бериш осон эмаслигини қайд этди. Сабаби ПСЖ каби кучли жамоада рақиблар баъзан бутун учрашув давомида дарвозага атиги бир-икки марта зарба йўллайди, бошқа клубларда эса дарвозабон 20 марталаб синовдан ўтади. Мостовой сўзларига кўра, ҳар доим танқид учун баҳона топиш мумкин.
Эслатиб ўтамиз, чоршанба куни ПСЖ Чемпионлар лигасида ўз майдонида "Монако" билан 2:2 ҳисобида дуранг ўйнади. Икки ўйин натижасига кўра парижликлар 5:4 ҳисобида устун келиб, 1/8 финал йўлланмасини қўлга киритди. Ушбу босқичда ПСЖнинг эҳтимолий рақиби "Барселона" ёки "Челси" бўлади.