Джикиянинг майдондон четда қолиши жароҳат билан боғлиқ
"Анталяспор" ҳимоячиси Георгий Джикия Туркияда сўнгги вақтларда кам ўйнагани бўйича вазиятга унинг вакили Малик Арутюнов изоҳ берди. Агентнинг айтишича, россиялик футболчининг ўйин амалиёти йўқлиги жароҳат оқибати бўлган. Бу ҳақда euro-football.ru хабар беради.
Арутюновга кўра, Джикия ҳозир тўлиқ тикланган, жамоага келган янги бош мураббий эса унга ишонч билдирмоқда.
Агент Джикия "Фенербахче"га қарши учрашувни асосий таркибда бошлаши мумкинлигини ҳам таъкидлади. "Клубда аллақачон учинчи мураббий ишлаяпти, ҳар бирининг ўз қараши бор. Унинг ўйнамагани жароҳат билан боғлиқ", — деди Арутюнов.
2025/2026 йилги мавсумда Джикия Туркия чемпионати ва Кубоги доирасида 13 та учрашувда майдонга тушиб, 2 та гол урди.