Кудряшов Джикиянинг тезроқ асосий таркибга қайтишини истади

Россия терма жамоасининг собиқ футболчиси Фёдор Кудряшов Георгий Джикиянинг Туркиядаги ўйинлари ҳақида фикр билдирди. Бу ҳақда euro-football.ru хабар беради.

Мутахассис «Антальяспор» марказий ҳимоячиси атрофидаги вазиятни мунтазам кузатиб боришини айтди. Эслатиб ўтамиз, 32 ёшли футболчи сўнгги пайтларда кам майдонга тушмоқда — унинг агенти сўзларига кўра, жамоа бош мураббийи Джикияни ҳозирча оптимал формада эмас деб ҳисоблаяпти.

«У ўйнадими-йўқми, барибир кузатаман. Энг муҳими, унинг тезроқ асосий таркибга қайтишини жуда хоҳлайман. У билан боғландимми? Фақат клубга ўтгани пайтида гаплашганмиз, кейин эса йўқ», — дея Кудряшовнинг сўзларини келтиради Metaratings.ru.

Джикия «Антальяспор» сафида 2025 йил ёзидан бери тўп сурмоқда. Жорий мавсумда «Спартак»нинг собиқ ҳимоячиси 13 учрашувда қатнашиб, икки гол муаллифига айланган.