Слуцкий бошқарувидаги «Шанхай Шенхуа» ACLда мағлуб бўлди
Осиё Чемпионлар лигасида етти турдан сўнг плей-офф йўлланмаси умидидан айрилган «Шанхай Шенхуа» 8-турда «Бурирам Юнайтед»га қарши ҳеч бўлмаса турнир билан чиройли хайрлашишга уриниб кўрди. Бироқ Леонид Слуцкий жамоаси бу вазифани уддалай олмади. Бу ҳақда euro-football.ru хабар беради.
Учрашув 0:2 ҳисобида тайларнинг фойдасига якунланди. «Бурирам Юнайтед» илк бўлимнинг аввалидаёқ икки бор аниқ зарба бериб, ўйин тақдирини деярли ҳал қилди. Кўп ўтмай «Шанхай Шенхуа»нинг бир футболчиси майдондон четлатилгач, интрига бутунлай сўнди.
Маълумот учун, Леонид Слуцкийнинг «Шанхай Шенхуа» билан амалдаги шартномаси 2027 йил охиригача мўлжалланган.