Головин «Анже» билан ўйинда ассист қайд этди

Россиялик ярим ҳимоячи Александр Головин «Монако» сафида Франция чемпионатининг 24-турида «Анже»га қарши баҳсни муваффақиятли ўтказди. Учрашув «Монако»нинг 2:0 ҳисобидаги ғалабаси билан якунланди. Бу ҳақда euro-football.ru хабар беради.

57-дақиқада Головиннинг зарбасидан кейин дарвозабон тўпни қайтарди, бироқ ҳужум давом этди ва эпизод Балогуннинг голи билан якун топди. Орадан беш дақиқа ўтиб эса Головин ассист ёздириб қўйди: у жарима майдони бурчаги томонга Симон Адинграга пас узатди, Адингра марказга силжиб, тўпни айланма зарба билан дарвозага жойлади.

Қайд этиш жоиз, Головин «Монако»даги фаолиятида илк бор барча мусобақаларда кетма-кет учта учрашувда голга узатма муаллифи бўлди. «Монако» турнир жадвалида 37 очко билан еттинчи ўринда бормоқда.