«Манчестер Юнайтед» ўйин пайтида Люк Шоудан айрилди
Якшанба куни «Манчестер Юнайтед» ўз майдонида «Кристал Пэлас»ни қабул қилмоқда. Ғалаба қозонилса, манкунианлар АПЛ турнир жадвалида учинчи поғонага кўтарилиши мумкин эди, бироқ учрашувнинг биринчи бўлимидайоқ ҳисоб 0:1 кўринишига келди — мезбонлар тезда гол ўтказиб юборди. Бу ҳақда euro-football.ru хабар беради.
Биринчи таймда «қизил иблислар» бош мураббийи Майкл Керрик мажбурий алмаштириш қилишига тўғри келди. Жамоа ҳимоячиси Люк Шоу жароҳат олиб, ўйинни давом эттира олмади ва унинг ўрнига Нуссаир Мазрауи майдонга тушди.
«Манчестер Юнайтед» — «Кристал Пэлас» баҳсини LiveResult портали матнли трансляция орқали ёритиб бормоқда.