Бартесаги жароҳат олди ва «Интер»га қарши дербини ўтказиб юборади
Италиянинг «Милан» клуби А Сериянинг 27-турида «Кремонезе» устидан навбатдаги ғалабани қўлга киритди: учрашув якунида рақиб дарвозасига кетма-кет икки жавобсиз гол урилди. Бу ҳақда euro-football.ru хабар беради.
Бироқ муваффақият Массимилиано Аллегри жамоаси учун ёқимсиз хабар билан сояда қолди. Катта умидлар боғланаётган ёш ҳимоячи Давиде Бартесаги жароҳат олди. У биринчи голга олиб келган бурчак зарбасини ишлаб олган вазиятда шикастланди.
Ҳозирча футболчининг қанча муддат сафдан чиқиши аниқ эмас, аммо бир нарса маълум: бир ҳафтадан кейин «Интер»га қарши дербида Бартесаги майдонга туша олмайди.