ChatGPT Пентагон билан ҳамкорлик сабабли бойкот қилинмоқда
Февраль ойи охирида АҚШ Мудофаа вазирлиги Anthropic компаниясига Claude тизимига тўлиқ кириш ҳуқуқини бериш бўйича босим ўтказди, бироқ компания бу таклифни рад этди. Орадан бир неча соат ўтгач, Сэм Альтман OpenAI компаниясининг Пентагон билан ҳамкорлик қилишини эълон қилди.
Бу янгиликдан сўнг рақамлар кескин ўзгарди: ChatGPT иловасини ўчириб ташлаш кўрсаткичи 295 фоизга, салбий шарҳлар эса 775 фоизга ошди. Шу билан бирга, иловани юклаб олишлар сони 13 фоизга камайди. Бунинг фонида Claude кунига 40–50 фоизлик ўсиш қайд этиб, юклаб олишлар бўйича илк бор ChatGPT ни ортда қолдирди ва Америка App Store дўконида биринчи ўринни эгаллади.
Илгари Claude асосан мутахассислар томонидан ишлатилган бўлса, эндиликда у кенг омма орасида энг оммабоп иловага айланди.