Тошкентда 138 та гиёҳвандлик воситаси яширган шахс ушланди
Тошкент шаҳрининг Учтепа туманида гиёҳванд моддалар савдоси билан шуғулланиб келган шахс ҳуқуқни муҳофаза қилувчи органлар ходимлари томонидан қўлга олинди. Тимур исмли фуқаро ўзининг ноқонуний фаолияти давомида ҳудуд бўйлаб кўплаб яширин жойларга гиёҳвандлик воситаларини жойлаштириб келган.
Тезкор тадбир давомида гумонланувчининг ёнидан ва у яшириб қўйган жойлардан жами 138 дона гиёҳванд моддалар солинган ўрамлар топилиб, ашёвий далил сифатида олинди. Мазкур ҳолат юзасидан ҳуқуқ-тартибот идоралари томонидан жиноят иши қўзғатилди. Тергов ҳаракатлари давомида аниқланишича, ушбу шахс гиёҳванд моддаларни ўта йирик миқдорда сотиш билан шуғулланган.
Ҳозирги вақтда гумонланувчи процессуал тартибда ушланган. Ўзбекистон Республикаси Жиноят кодексининг тегишли моддаларига кўра, гиёҳванд моддаларни сотиш билан боғлиқ жиноятлар учун 20 йилгача озодликдан маҳрум қилиш жазоси назарда тутилган. Тергов жараёни давом этмоқда.