Дания аҳолисига машинадан кам фойдаланишга чақирди
Яқин Шарқда юзага келган кескин вазият ва уруш хавфи жаҳон энергетика бозорига таъсир кўрсатмоқда. Шу муносабат билан Ларс Агаард мамлакат фуқароларига энергияни тежаш бўйича мурожаат қилди.
Вазирнинг таъкидлашича, ҳозирги шароитда имконият бўлса, автомобилдан камроқ фойдаланиш муҳим. У данияликларга зарур бўлмаган ҳолатларда машина ҳайдамасликни илтимос қилди. Бу орқали ёқилғи сарфини қисқартириш ва энергия ресурсларини тежашга эришиш мумкин.
Расмийга кўра, Дания ҳукуматининг асосий мақсадларидан бири — мавжуд энергия захираларидан оқилона фойдаланиш. Шу сабабли мамлакат ҳозирда ўзининг нефт захираларидан фаолроқ тарзда фойдаланишни бошлаган.
Айни пайтда жаҳон бозорида нефт нархлари кескин кўтарилмоқда. Мутахассислар маълумотига кўра, бир баррел нефт қиймати аллақачон 100 доллардан ошиб кетган.