Ҳафта давомида Ўзбекистон ҳудудларида ҳаво ҳарорати қандай бўлади?

Ҳафта давомида Ўзбекистоннинг турли ҳудудларида ҳаво ҳарорати аста-секин ошиб бориши кутилмоқда. Тун ва тонг пайтлари аввалидаги салқинлик ўрин олиб тургани билан, ҳафта ўрталарига келиб илиқ ва қулай ҳарорат қийматлари билан алмашади. Вақти-вақти билан айрим минтақаларда ёғин ёки юмшоқ ёмғир кўриниши ҳам кузатилади.

Иқлимшунос Эркин Абдулаҳатов маълум қилишича, ҳафтанинг жума ва дам олиш кунлари кундузги ҳарорат кўрсаткичлари айрим ҳудудларда +20…+25 даражагача кўтарилиши мумкин. Бу эса ўтган ҳафтадаги совуқдан зарар кўрган наботот олами учун қайта уйғониш, янги ўсиш ва гуллаш даврини тақдим этади.

Мартнинг учинчи ўн кунлиги эса яна ҳам намгарчили ва ёмғирли ўтиши тахмин қилинмоқда. Ҳарорат кесимида ойнинг учинчи декадаси, одатда апрел бошларига хос бўлган баҳорий ҳавога мос тушиши эҳтимолдан холи эмас.

Мартнинг 11–13 саналарида минтақада кузатилган совуқ ҳаво оқими эса айрим ҳудудларда эрта гуллайдиган мевали дарахтлар — бодом, ўрик, шафтоли, олма — гулларига салбий таъсир кўрсатди. Баъзи ҳолларда зарарланиш кўрсаткичи 90% гача етган.

Жорий иссиқлик ва қулай об-ҳаво шароитларидан келиб чиқиб, куртаклардан гулга айланадиган меваларда асалариларни кўп жалб қилиш ва чанглатиш усулларини мустаҳкамлашга эътибор қаратилмоқда. Бу чоралар баҳор фаслида меваларнинг соғлом ривожланиши ва яхши ҳосил беришини таъминлайди.

Баҳор кириб келгани ҳис этилади: ҳарорат кўтарилмоқда, табиат янада янгиланади ва гуллаб яшнайди, асалариларнинг фаолияти эса ҳосил учун муҳим рол ўйнайди.