Սարգսյանը ցավակցական հեռագիր է հղել Պուտինին Պրիմակովի մահվան կապակցությամբ
Հայաստանի նախագահի աշխատակազմի հասարակայնության և տեղեկատվության միջոցների հետ կապերի վարչության փոխանցմամբ՝ հեռագրում, մասնավորապես, ասված է․
«Հարգելի Վլադիմիր Վլադիմիրի,
Խորը վշտով ընդունեցի ռուսաստանյան քաղաքական, պետական և հասարակական ականավոր գործիչներից մեկի՝ Եվգենի Մաքսիմի Պրիմակովի մահվան մասին լուրը, ում ներդրումը ռուսաստանյան պետականության զարգացման գործում դժվար է գերագնահատել:
Հայ - ռուսական հարաբերությունների զարգացման գործում իր ծանրակշիռ ներդրումն ունեցած Եվգենի Պրիմակովի վառ հիշատակը մշտապես կպահպանվի մեր հիշողություններում»:
Սերժ Սարգսյանը իր անկեղծ ցավակցություններն է հայտնել՝ խնդրելով զորակցության խոսքեր փոխանցել Եվգենի Պրիմակովի հարազատներին ու մտերիմներին:
Հայաստանի կառավարության տեղեկատվության և հասարակայնության հետ կապերի վարչության փոխանցմամբ՝ ռուսաստանցի անվանի պետական, քաղաքական գործչի և գիտնականի մահվան կապակցությամբ ցավակցական ուղերձ է հղել նաև վարչապետ Հովիկ Աբրահամյանը: