Սուրուչի ահաբեկչությունը. Թուրքիան վճարում է իր «մեղքերի» համար - փորձագետներ
Թուրքիայում ահաբեկչությունն «Իսլամական պետության» պատասխանն է Անկարայի փորձերին ուժեղացնել վերահսկողությունը Սիրիայի հետ սահմանին: Այդ մասին VERELQ-ի թղթակցի հետ զրույցում հայտարարել է ԳԱԱ Արևելագիտության ինստիտուտի տնօրեն Ռուբեն Սաֆրաստյանը:
Թուրքիայում նախօրեին տեղի է ունեցել վերջին շրջանի ամենախոշոր ահաբեկչությունը, որի հետևանքով զոհվել է 31 մարդ: Իշխանությունները կարծում են, որ դրա հետևում կանգնած է "Իսլամական պետություն" ահաբեկչական խմբավորումը: Թուրքիայի և Սիրիայի սահմանին գտնվող Սուրուչ քաղաքում 18-ամյա մահապարտ ահաբեկիչը գործի է դրել պայթուցիկ սարքը քաղաքի մշակութային կենտրոնի մոտ:
Վարչապետ Ահմեդ Դավութօղլուն արդեն հայտարարել է, որ Թուրքիան ահաբեկչությունից հետո կուժեղացնի անվտանգության միջոցառումներ Սիրիայի հետ սահմանին: «Մենք խորհրդակցություն ենք անցկացրել ուժային կառույցների ներկայացուցիչների հետ և մշակել ենք բոլո քայլորը, որոնք իրականացվելու են», - նշել է Դավութօղլուն ու հավելել, որ հետագայում ևս ուժեղացվելու է Թուրքիայի և Սիրիայի սահմանի անվտանգությունը:
Սաֆրաստյանը հիշեցրել է, որ Թուրքիան «Իսլամական պետության» ձևավորման սկզբից ի վեր աջակցել է այդ ահաբեկչական կազմակերպությանը՝ նրա գործունեության համար բարենպաստ պայմաններ ստեղծելով: «Սակայն վերջին շրջանում Անկարան փորձեց խստացնել վերահսկողությունը Սիրիայի հետ սահմանին, որով էլ առաջացրել է գրոհայինների զայրույթը», - նշել է նա:
Սաֆրաստյանը քիչ հավանական է համարում թուրքական բանակի լայնածավալ ռազմական գործողությունները գրոհայինների դեմ:
«Թուրքիան զգուշանում է քրդերի ուժեղացումից և դրա համար "Իսլամական պետության" թուլացումն Անկարային ձեռնտու չէ: Թուրքիան ոչ հրապարակայնորեն, ինչպես մինչ այդ, շարունակելու է աջակցել "Իսլամական պետության" գրոհայիններին քրդերի և Սիրիայի նախագահ Բաշար Ասադի դեմ: Հնարավոր է` թուրքական բանակի կողմից հետևեն ինչ-որ պատժիչ գործողությունները, սակայն "Իսլամական պետության" դեմ լիարժեք հակամարտության Անկարան չի գնա», - նշել է Սաֆրաստյանը:
«Թուրքիան հենց սկզբից ռազմավարական սխալ է թույլ տվել, երբ աջակցեց Ասադի օրինական կառավարության դեմ զինված ապստամբությունը: Հարևանների գործերին այդպիսի միջամտությունները կասկածի տակ են դնում թուրքական առաջնորդների խաղաղասեր ներկայացնելու փորձերը», - նշել է Իսրայելից քաղաքագետ և հրապարակախոս Ավիգդոր Էսկինը:
Նրա խոսքով, Անկարան դավաճանաբար է վարվել իր հարևանի նկատմամբ՝ օգտվելով այնտեղ քաղաքացիական պատերազմից: Թուրքիան ակտիվորեն աջակցել է ապստամբներին, այդ թվում այն խմբերին, որոնք այսօր ասոցացվում են "Իսլամական պետության" հետ: Թուրքիայի տարածքը դարձել էր դեպի Սիրիա ահաբեկիչների տեղափոխության առաջնագիծը:
«Իսկ հետագայում ամեն ինչ ուզում էին լավ ստացվի, սակայն ստացվեց ինչպես միշտ բանաձևով: "Իսլամական պետության" ահաբեկիչները դժգոհ են Թուրքիայի կողմից իր տարածքով դեպի Սիրիա ահաբեկիչների հոսքը սահմանափակող կիսատ և չնչին փորձերից: Պատմությունը գիտի ոչ քիչ այդպիսի օրինակներ: Բավական է հիշել ԽՍՀՄ-ի կողմից պաղեստինյան ահաբեկիչներն աջակցելու պատմությունը, որոնք հետագայում 90-ականներին Չեչնիայում դաշտային հրամանատարներ դարձան», - նշել է նա VERELQ-ի հետ զրույցում:
Նույն այդ պատմությունը, ուղղակի որոշակի շտկումներով, կրկնում է Թուրքիայում: Փորձագետները կարծում են, որ Անկարան վճարում է իր հաշիվների համար: