Әнә килә теплоход, төягәннәр мультиклар...
[img="http://sabantuy.net/uploads/images/default/0201.jpg" border="0" vspace="4" hspace="4" width="263" height="164" align="Right"]0201.jpg (28.4 Kb)[/img]
Борын–борын заманда ук түгел, үткән XX гасыр башында Франциянең Ансси шәһәрендә яшәгән ди Франсуа Соломон исемле кеше. Берзаман бу чаңгы кирәк-яраклары ясый торган остаханә ачып җибәргән. Чаңгы популярлашкан саен, остаханә дә үскән. Берзаман Франсуа агайның улы Жорж чаңгы өчен автоматик эләктергечләр уйлап табып, остаханәне зурайта башлаган һәм “Salomon” фирмасына әверелдергән. Фирма спортчылар арасында тиз популярлашкан. Жорж абзый үз бизнесын гаилә традицияләре буенча олы улы Бернарга калдырган. Ә төпчек улы үз көнен үзе күрергә тиеш булган. Франсуа исемле төпчек ул нишләгән дисезме?Югары техник белем алган да, Советлар Союзына китеп барган... Дөрес, соңрак кабат үз иленә әйләнеп кайткан, иннек савытлары җитештерү буенча үз фирмасын ачкан һәм... үз акчасын Россия балалары өчен “туздыра” башлаган. Ничек итепме? “Белинский” исемле теплоходта үткәрелүче “Крок” Халыкара анимация фестиваленең иганәчесе буларак.
“Мультиклы
теплоход”
Үткән атнада мультфильмнар төялгән шул теплоход Казанга килеп төште. Әй коелды мультиклар, әй коелды... Әй җыелды балалар карарга, әй җыелды. “Казан” милли–мәдәни үзәге залында яңа мультфильмнарны сәгатьләр буе күрсәттеләр. Теләгән кадәр кара!
“Мультиклы теплохо䔬ның Казанга бәйләнеше зур. Беренчедән, совет анимациясенә нигез салучыларның берсе Александр Алексеев тумышы белән Казаннан. Икенчедән, “Крок”ның даи-ми иганәчесе Франсуа Соломонның хатыны Эльвира — татар кызы.
Анимация форумына 38 илнең яшь аниматорлары үз картиналарын тәкъдим иткәннәр. Россиядән дә 19 картина тәкъдим ителгән. Конкурсантлар арасында Петербургта яшәп иҗат итүче Татарстан егете Ришат Гыйльметдинов та бар. Ул 10 минутлык “Закон жизни” мультфильмы белән катнашты.
Теплоходта танылган анимация осталары Юрий Норштейн, Аида Зябликова да бар иде. Норштейн балаларны “Лиса и заяц”, “Ёжик в тумане” кебек мультфильмнар белән сөендергән “легендар аниматор” булса, Аида ханым – “Кузяның әнисе”. Кузя исемле бичура турында мультикны хәтерлисезме? Белмәсәгез, әти–әниләрегездән сорагыз, дискын табып булса да, сезгә күрсәтсеннәр. Шәп мультфильм!
Хәлең ничек,
мультик?
Оештыручылар “Крок” карамагына тапшырылган 800ләп эшнең 140ын сайлап алганнар. Кайберләрен миңа да карарга насыйп булды. Дөресен әйткәндә, бүгенге мультик геройлары сезнең әти–әниләрегез карап үскән Карлсон, Винни–Пух һәм Дюймовочкалардан ерак тора. “Яшь аниматорлар тормыштагы үз проблемаларын мультик-ларга күчерәләр”, — дип аңлата моны фестивальнең программа директоры Наталья Лукиных. Нихәл итәсең, кәефтәге драма анимацияләшкәч тә драма булып кала икән...
Мультфильм гына, димәгез, саный китсәң, анимациянең дә проблемалары байтак. Беренчесе – финанс кытлыгы, әлбәттә. Сер түгел, хөкүмәтебез мультикларга акчаның “артык калганын” гына күчерә. Киләчәктә ни көтә — билгесез...
Рузилә МӨХӘММӘТОВА.
P.S.: Оештыручылар анимация яңалыклары белән кызыксынучыларны http://www.animator.ru сайтына чакыра.