У Слоніме выратавальнікі вынеслі мужчыну з задымленай кватэры на Брэсцкай вуліцы

Першае аддзяленне пажарных за лічаныя мінуты прыбыло на месца. З вакна адной з кватэр на трэцім паверсе валілі клубы дыма. Уключыўшы апараты на сціснутым паветры, байцы МНС па трохкаленнай лесніцы праз адкрыты балкон патрапілі ў кватэру і ўбачылі гаспадара жытла, які ляжаў на падлозе.

Надзеўшы на яго маску для аховы органаў дыхання, выратавальнікі вынеслі мужчыну на чыстае паветра і перадалі брыгадзе хуткай дапамогі, а самі вярнуліся назад і ліквідавалі ўзгаранне.

Медработнікі шпіталізавалі пацярпела ў раённую бальніцу ў стане сярэдняй цяжкасці.

Верагоднай прычынай здарэння стала пакінутая без нагляду ежа на газавай пліце, адзначаецца ў паведамленні.

Фота МНС